କାନ୍ସ ଫିଲ୍ମ ଫେଷ୍ଟିଭାଲରେ ନଜର ଆସିଲେ ବଲିଉଡ ଇଣ୍ଡଷ୍ଟ୍ରିର ଚୁଲବୁଲି ଅଭିନେତ୍ରୀ ଆଲିୟା ଭଟ୍ଟ । ଆଲିଆ ତାଙ୍କ ଲୁକର ଯାଦୁରେ ଫ୍ୟାନ୍ସଙ୍କ ହୃଦୟକୁ ସ୍ପର୍ଶ କରିଛନ୍ତି । ବିଶେଷ କରି ତାଙ୍କ ହେୟାର ଷ୍ଟାଇଲ ସମସ୍ତଙ୍କ ଦୃଷ୍ଟି ଆକର୍ଷିତ କରିଛି । କାନ୍ସରେ ଆଲିଆଙ୍କ ଏହି ଦ୍ବିତୀୟ ଲୁକର ଫଟୋ ବର୍ତ୍ତମାନ ଭାଇରଲ ହେବାରେ ଲାଗିଛି ।
କାନ୍ସରେ ନିଜ ନିଜ ଲୁକର ଜଲୱାରେ ଫ୍ୟାନ୍ସଙ୍କୁ ଫିଦା କରୁଛନ୍ତି ବଲିଉଡ ଅଭିନେତ୍ରୀ । କାନ୍ସରେ ଅଭିନେତ୍ରୀଙ୍କ ମଧ୍ୟରେ ଜୋରଦାର ଟକ୍କର ଚାଲୁଥିବା ଦେଖିବାକୁ ପାଇଛନ୍ତି ଦର୍ଶକ । ୨୦୨୪ରେ ବ୍ରାଣ୍ଡ ଆମ୍ବାସଡରରେ ସାମିଲ ହୋଇ ଆଲିୟା ଭଟ୍ଟ ଚର୍ଚ୍ଚାରେ ରହିଥିଲେ । ବର୍ତ୍ତମାନ ତାଙ୍କ ଗେଟଅପ ପାଇଁ ଫ୍ୟାନ୍ସଙ୍କ ହୃଦୟରେ ରାଜ କରୁଛନ୍ତି ଆଲିୟା । କାନ୍ସରେ ଅନେକ ଜଣାଶୁଣା ଅଭିନେତ୍ରୀମାନେ ଭିନ୍ନ ଭିନ୍ନ ଗେଟଅପରେ ସାମିଲ ହୋଇଥିବା ଦେଖିବାକୁ ମିଳୁଛି । ସେହିଭଳି ଆଲିୟା ମଧ୍ୟ ନିଜର ଏକ ନିଆରା ଗେଟଅପ୍ ନେଇଛନ୍ତି ।
ଅନ୍ୟପଟେ ଆଲିୟାଙ୍କ ନୂଆ ଗେଟଅପ ପାଇଁ ରିଆ କପୁର ଡିଜାଇନ୍ ପ୍ରସ୍ତୁତ କରିଥିଲେ । ଯାହା ଆଲିୟାଙ୍କୁ ବେଶ୍ ସୁନ୍ଦର ଦିଶୁଥିଲା । ଆଲିୟାଙ୍କ ଗାଉନଟି ବ୍ଲୁ ରଙ୍ଗ ଏବଂ ଛୋଟ ଛୋଟ ଷ୍ଟୋନରେ ସଜେଇ ହୋଇ ରହିଥିଲା । ଯାହା ଫଳରେ ତାଙ୍କ ଆଉଟଫିଟ ଡିଜାଇନ ସମସ୍ତଙ୍କ ଧ୍ୟାନର ମୁଖ୍ୟ କାରଣ ପାଲଟିଥିଲା । ଏହା ବ୍ୟତୀତ ଆଲିୟା ଡ୍ରେସ ସହ ମ୍ୟାଚିଂ କରି ଇୟରିଂସ ପିନ୍ଧିଥିଲେ । ତାଙ୍କ ମୁଣ୍ଡରେ ହୀରାର ମୁଦି ବ୍ୟବହାର କରିଥିବାର ମଧ୍ୟ ଦେଖିବାକୁ ମିଳିଥିଲା ।
ଯଦି ତାଙ୍କ ମେକଅପ୍ ବିଷୟରେ କୁହାଯାଏ ତେବେ ସେ ନୋମେକଅପର ନିଷ୍ପତ୍ତି ନେଇଥିଲେ । ତେଣୁ ତାଙ୍କ ଲିପଷ୍ଟିକ୍ ବୋଲ୍ଡ କଲର ରହିନଥିଲା । ଯେଉଁଥି ପାଇଁ ପ୍ରଶଂସକମାନେ ତାଙ୍କ ଗେଟଅପକୁ ଖୁବ୍ ପସନ୍ଦ କରିଥିବା ସୂଚନା ମିଳୁଛି ।
