ଦୀର୍ଘଦିନ ଧରି ସିଆଇଡି ଶୋ ଚାଲିଆସୁଛି । ଯାହା ଲୋକପ୍ରିୟତାକୁ ବେଶ୍ ଭଲଭାବେ ଆପଣାଇପାରିଛି । ସିଆଇଡି ଶୋରେ ପ୍ରଦ୍ୟୁମ୍ନ ଚରିତ୍ରରେ ଅଭିନୟ କରୁଥିବା ଶିବାଜୀ ସାଟମଙ୍କ ମୃତ୍ୟୁ ଖବର ବର୍ତ୍ତମାନ ଜୋର ଚର୍ଚ୍ଚା ଧରିଛି । ଯିଏକି ଏସିପି ଭାବେ ନଜରରେ ଆସିଥାନ୍ତି । ୨୭ ବର୍ଷ ଧରି ଏହି ଶୋ ପାଇଁ ସେ କାର୍ଯ୍ୟ କରି ଆସୁଥିଲେ । ଏହି ଖବର ବ୍ୟାପିବା ପରେ ପ୍ରଶଂସକଙ୍କ ମନରେ ଅସନ୍ତୋଷ ଦେଖାଦେଇଛି । ଯାହାର ପୋଷ୍ଟରେ ପ୍ରଶଂସକମାନେ ସେମାନଙ୍କର ପ୍ରତିକ୍ରିୟା ରଖିଛନ୍ତି । ଜାଣନ୍ତୁ କଣ କହିଛନ୍ତି ପ୍ରଶଂସକମାନେ ।
୧୯୯୮ ମସିହାରୁ ସିଆଇଡି ଶୋ ଆରମ୍ଭ ହୋଇ ଦର୍ଶକଙ୍କ ମନରେ ସ୍ବତନ୍ତ୍ର ଜାଗା ତିଆରି କରିବାରେ ସଫଳ ହୋଇପାରିଛି । ପୂର୍ବ ଏପିସୋଡର ଏକ ବିସ୍ଫୋରଣରେ ଏସିପି ପ୍ରଦ୍ୟୁମ୍ନଙ୍କ ମୃତ୍ୟୁ ଦେଖିବାକୁ ମିଳିଛି । ଗତ ଶନିବାରର ଏକ ସୋସିଆଲ ପେଜରେ ଏକ ଫଟୋ ସେୟାର ହୋଇଛି । ଫଟୋ ସେୟାର କରି କ୍ୟାପସନରେ ଲେଖାଯାଇଥିଲା, ଏସିପି ପ୍ରଦ୍ୟୁମ୍ନଙ୍କ ବିୟୋଗ ଏପରି କ୍ଷତି ଯାହାକୁ କେବେ ଭୁଲିହେବନାହିଁ । ପୋଷ୍ଟ ଦେଖିବା ପରେ ପ୍ରଶଂସକ ପ୍ରତିକ୍ରିୟା ରଖିବାକୁ ଯାଇ କହିଛନ୍ତି ଯେ, ଏହା କେବଳ ଏସିପି ପ୍ରଦ୍ୟୁମ୍ନଙ୍କ ଶେଷ ନୁହେଁ ବରଂ ସିଆଇଡିର ଶୋର ଶେଷ । ପିଲାଦିନରୁ ଦେଖିଆସୁଥିବା ଚରିତ୍ର ଏଭଳି ସିନ୍ ହୃଦୟକୁ ଭାଙ୍ଗିଦେଇଛି । ପ୍ରଶଂସକମାନେ ଅସନ୍ତୋଷ ପ୍ରକାଶ କରି ସିଆଇଡି ଶୋକୁ ବନ୍ଦ କରିବା ପାଇଁ କହିଛନ୍ତି ।
ସୂଚନାନୁଯାୟୀ ଶିବାଜୀ ସାଟମ ସିଆଇଡି ଶୋ ଛାଡିବାକୁ ଚାହିୁଁଛନ୍ତି ତେଣୁ ତାଙ୍କୁ ଏପିସୋଡରେ ହତ୍ୟା କରାଯାଇଛି ।