ଇମ୍ରାନ୍ ହାଶମୀଙ୍କ ଆଗାମୀ ଫିଲ୍ମ ‘ଗ୍ରାଉଣ୍ଡ ଜିରୋ’ର ଟ୍ରେଲର ରିଲିଜ୍ ହୋଇଛି । ଯାହା କାଶ୍ମୀର ଆତଙ୍କବାଦୀଙ୍କ କଳା କାରନାମାର ସତ୍ୟକୁ ଦର୍ଶାଉଛି । ଏହି ଆକ୍ସନରେ ପରିପୂର୍ଣ୍ଣ ଟ୍ରେଲରରେ ଜବରଦସ୍ତ ଆକ୍ସନ ସିକ୍ୱେନ୍ସ, ଦମଦାର ଡାଇଲଗ୍ ଏବଂ ଦେଶପ୍ରେମର ଭାବନାକୁ ବହୁତ ଭଲ ଭାବରେ ଉପସ୍ଥାପନ କରାଯାଇଛି । ରୋମାଣ୍ଟିକ ହିରୋ ଏବଂ ଖଳନାୟକଙ୍କ ପରେ ଏବେ ଇମ୍ରାନ ହାଶମୀ ଜଣେ ସୈନିକ ଭୂମିକାରେ ଧମାଲ୍ କରିବାକୁ ଯାଉଛନ୍ତି । ଇମ୍ରାନ ହାସମୀଙ୍କ ଫିଲ୍ମ ‘ଗ୍ରାଉଣ୍ଡ ଜିରୋ’ ବହୁତ ଦିନ ଧରି ଚର୍ଚ୍ଚାର ବିଷୟ ପାଲଟିଛି ।
ଟ୍ରେଲର ଦେଖିବା ପରେ ଏହା ସ୍ପଷ୍ଟ ଯେ ଏହି ଫିଲ୍ମଟି ସେନାର ଏକ ପ୍ରକୃତ ଅପରେସନ ଉପରେ ଆଧାରିତ। ଯୁଦ୍ଧ ପରିବେଶରେ ସାହସ ଏବଂ ତ୍ୟାଗର ଏକ ଅଶୁଣା କାହାଣୀ ଦେଖିବାକୁ ମିଳିବ ଏହି ଫିଲ୍ମରେ । ‘ଗ୍ରାଉଣ୍ଡ ଜିରୋ’ର ନିର୍ମାତାମାନେ କିଛି ସମୟ ଧରି ପୋଷ୍ଟର ଏବଂ ଟିଜର ମାଧ୍ୟମରେ ଫ୍ୟାନ୍ସଙ୍କ ମନରେ ସସପେନ୍ସ ଆଣିଥିଲେ ଏବଂ ଏବେ ଶେଷରେ ଫିଲ୍ମର ଟ୍ରେଲର ରିଲିଜ୍ ହୋଇଛି । ଯେତେବେଳେ ଇମ୍ରାନ ହାଶମୀ ବାସ୍ତବ ଜୀବନର ବିଏସଏଫ କମାଣ୍ଡାଣ୍ଟ ନରେନ୍ଦ୍ର ନାଥ ଧର ଦୁବେଙ୍କ ଭୂମିକାରେ ବହୁତ ଭଲ ଦେଖାଯାଉଛନ୍ତି ।
ଲୋକମାନେ ତାଙ୍କର ଏହି ନୂତନ ଷ୍ଟାଇଲକୁ ବହୁତ ପସନ୍ଦ କରୁଛନ୍ତି । ତାଙ୍କର ଟ୍ରାନ୍ସଫରମେସନ ଏତେ ଶକ୍ତିଶାଳୀ ଯେ ୟୁଜର୍ସମାନେ ତାଙ୍କ ପ୍ରଶଂସା କରି ଥକିନାହାନ୍ତି । ଗ୍ରାଉଣ୍ଡ ଜିରୋ ଟ୍ରେଲରର ବ୍ୟାକଗ୍ରାଉଣ୍ଡ ମ୍ୟୁଜିକ ବହୁତ ଦମଦାର ଯାହାକୁ ଶୁଣିଲେ ଯେକୌଣସି ବ୍ୟକ୍ତିଙ୍କ ହୃଦୟରେ ଦେଶପ୍ରେମ ଜାଗ୍ରତ ହେବ । ଜଣେ ବିଏସଏଫ ଅଧିକାରୀଙ୍କ ଭୂମିକାରେ ଇମରାନ ହାଶମୀ ବହୁତ ପାୱାରଫୁଲ୍ ଦେଖାଯାଉଛନ୍ତି । ଯେଉଁ ପ୍ରଯୋଜକମାନେ ଆମକୁ ‘ଲକ୍ଷ୍ୟ’ ଭଳି ଏକ ଶକ୍ତିଶାଳୀ ଫିଲ୍ମ ଦେଇଥିଲେ ଏବେ ପୁଣିଥରେ ‘ଗ୍ରାଉଣ୍ଡ ଜିରୋ’ ସହିତ ହଇଚଇ ସୃଷ୍ଟି କରିବାକୁ ପ୍ରସ୍ତୁତ ।
‘ଗ୍ରାଉଣ୍ଡ ଜିରୋ’ ଏକ୍ସେଲ ଏଣ୍ଟରଟେନମେଣ୍ଟର ଏକ ଦମଦାର ପ୍ରୋଜେକ୍ଟ, ଯାହାକୁ ରିତେଶ ସିଧୱାନୀ ଏବଂ ଫରହାନ ଅଖତର ପ୍ରଯୋଜନା କରିଛନ୍ତି । ତେଜସ ଦେବସ୍କର ନିର୍ଦ୍ଦେଶନା ଦାୟିତ୍ୱ ନେଇଛନ୍ତି । ‘ଗ୍ରାଉଣ୍ଡ ଜିରୋ’ ୨୫ ଏପ୍ରିଲ, ୨୦୨୫ରେ ସିନେମାହଲରେ ମୁକ୍ତିଲାଭ କରିବାର ଯୋଜନା ରହିଛି ।