ନୂଆଦିଲ୍ଲୀ: ଲସ୍କରକୁ ବଡ଼ ଝଟ୍କା । ମୋଷ୍ଟୱାଣ୍ଟେଡ ଲସ୍କର ଆତଙ୍କବାଦୀ ଅବୁ କତାଲ ସିନ୍ଧିକୁ ପାକିସ୍ତାନରେ ହତ୍ୟା । ଗତକାଲି ରତିରେ ଅଜଣା ଆତତାୟୀ ଗୁଳିରେ ଅବୁର ମୃତ୍ୟୁ ହୋଇଥିବା ସୂଚନା ମିଳିଛି । ଭାରତର ଅନେକ ଆକ୍ରମଣରେ ଆବୁ କତାଲର ହାତ ରହିଥିଲା। NIAର ମୋଷ୍ଟ ୱାଣ୍ଟେଡ ଆତଙ୍କବାଦୀ ତାଲିକାରେ ଥିଲା ଅବୁ କତାଲ । ଆର୍ମୀ ସମେତ ସମସ୍ତ ସୁରକ୍ଷା ଏଜେନ୍ସି ପାଇଁ ଆବୁ କତାଲ ମୁଣ୍ଡବ୍ୟଥାର କାରଣ ଥିଲା । ଆତଙ୍କବାଦୀ ଆବୁ କତାଲ ହାଫିଜ୍ ସୟିଦ୍ର ଅତ୍ୟନ୍ତ ଘନିଷ୍ଠ ଥିଲା । ହାଫିଜ୍ ସୟିଦ୍ ମୁମ୍ବାଇ ଆକ୍ରମଣର ମାଷ୍ଟର ମାଇଣ୍ଡ ଥିଲା । ଜମ୍ମୁକାଶ୍ମୀରର ଅନେକ ଆତଙ୍କୀ ହିଂସାରେ ଜଡ଼ିତ ଥିଲା ଅବୁ କତାଲ। ୨୬/ ୧୧ ମୁମ୍ବାଇ ଆକ୍ରମଣର ମାଷ୍ଟରମାଇଣ୍ଡ ଆତଙ୍କବାଦୀ ହାଫିଜ ସୟଦର ନିକଟତମ ସହଯୋଗୀ ଥିଲା ଅବୁ । ୯ ଜୁନରେ ଶିବଖଡ଼ି ମନ୍ଦିର ତୀର୍ଥଯାତ୍ରୀ ବସ ଆକ୍ରମଣର ମାଷ୍ଟରମାଇଣ୍ଡ ଥିଲା ।
୨୦୨୩ ରଜୌରୀ ହମଲାରେ ଆତଙ୍କବାଦୀ ଅବୁ କତାଲର ସମ୍ପୃକ୍ତି ଥିଲା । ପିଓକେରୁ ବସି ଏହି ହମଲାକୁ ଅପରେଟ୍ କରୁଥିଲା । ଏନେଇ ପ୍ରମାଣ ମିଳିବା ପରେ NIA ଚାର୍ଜସିଟରେ ନାଁ ଆସିଥିଲା । ସେହିପରି ଜାନୁଆରୀ ୨୦୨୩ରେ ରୌଜରୀରେ ସାଧାରଣ ଲୋକଙ୍କୁ ଟାର୍ଗେଟ୍ କରି ହମଲା କରିଥିଲା । ଏହାର ଗୋଟିଏ ଦିନ ପୂର୍ବରୁ ଏକ ଆଇଇଡି ବିସ୍ଫୋରଣ ହୋଇଥିଲା, ଏଥିରେ ୭ଜଣଙ୍କ ମୃତ୍ୟୁ ହୋଇଥିଲା । ଏହି ହମଲାକୁ ନେଇ ଏନଆଇଏ ନିଜ ଚାର୍ଜସିଟରେ ଆତଙ୍କୀ ସଂଗଠନ ଲସ୍କର-ଏ-ତୈବାର ୩ଜଣ ଲିଡରଙ୍କ ନାଁ ଉଲ୍ଲେଖ କରିଥିଲା । ଏମାନଙ୍କ ମଧ୍ୟରୁ ମୋଷ୍ଟ ଓ୍ବାଣ୍ଟେଡ୍ ଅବୁ କତାଲର ଗତକାଲି ହତ୍ୟା ହୋଇଛି ।
