ନଡ଼ିଆ ଘରୁ ଆରମ୍ଭ କରି ମନ୍ଦିର ତଥା ପୂଜାର୍ଚ୍ଚନା ସବୁଠି କାମରେ ଲାଗିଥାଏ । ନଡ଼ିଆରେ ଅନେକ ଖାଦ୍ୟ ତଥା ପିଠା ପଣା ତିଆରି ହୁଏ । ସେହିପରି ନଡ଼ିଆ କ୍ଷୀର ଏବଂ ନଡ଼ିଆ ତେଲରେ ରୋଷେଇ ହୁଏ । ନଡ଼ିଆରେ ଅନେକ ଔଷଧୀୟ ଗୁଣ ରହିଛି । ଯାହା ଶରୀରକୁ ସୁସ୍ଥ ରଖିଥାଏ । ମହିଳାମାନେ ନିଜ ତ୍ୱଚାକୁ ନେଇ ଅଧିକ ଚିନ୍ତା କରିଥାନ୍ତି । ସେଥିପାଇଁ ମହିଳା ନିଜ ତ୍ୱଚାରେ ଚମତ୍କାରିତା ଆଣିବା ପାଇଁ ଅନେକ ଜିନିଷ ବ୍ୟବହାର ମଧ୍ୟ କରଥାନ୍ତି । ସକାଳୁ ଉଠିବା ପରେ ସାଧାରଣତଃ ଶରୀରର ଚର୍ମ ଶୁଖିଲା ଦେଖାଯାଇଥାଏ । କିନ୍ତୁ ନଡ଼ିଆ କ୍ଷୀର ତ୍ୱଚାରେ ଗୋଟିଏ ଚମକ ଆଣିଦେଇଥାଏ ।
ନଡ଼ିଆ କ୍ଷୀର ଯେତିକି ସ୍ୱାଦିଷ୍ଟ ଦେହ ପାଇଁ ମଧ୍ୟ ସେତିକି ହିତକାରୀ । ନଡ଼ିଆ ସୁସ୍ଥ ଶରୀର ପାଇଁ ବେଶ୍ ପ୍ରଭାବଶାଳୀ । ନଡ଼ିଆ କ୍ଷୀର ପ୍ରଚୁର ପୋଷାକ ତତ୍ତ୍ୱରେ ଭରପୁର । ଯାହା ବଡ଼ି ଫଙ୍ଗସନ୍ ପାଇଁ ଜରୁରୀ । ଯେଉଁଥିପାଇଁ ଡାକ୍ତରମାନେ ଡାଏଟ୍ ପାଇଁ ନଡ଼ିଆକୁ ଖାଦ୍ୟରେ ସାମିଲ କରିବାକୁ ପରାମର୍ଶ ଦେଇଥାନ୍ତି । ନଡ଼ିଆ କ୍ଷୀର ପିଇବା ଦ୍ଵାରା ଆମ ଶରୀରକୁ ଲାଭ ମିଳିଥାଏ ।
ନ୍ୟୁଟ୍ରେସନରେ ଭରପୁର : ନଡ଼ିଆ କ୍ଷୀରରେ ଭିଟାମିନ ସି, ଇ, ବି, ମ୍ୟାଗ୍ନେସିୟମ, ପୋଟାସିୟମ, ଆଇରନ ଭଳି ଅନେକ ପୋଷାକ ତତ୍ତ୍ଵ ଭରପୁର ମାତ୍ରାରେ ରହିଥାଏ ।
କୋଲେଷ୍ଟ୍ରୋଲରେ ହ୍ରାସ : ନଡ଼ିଆ କ୍ଷୀରରେ ମିଡ଼ିୟମ ଚେନ୍ ଟ୍ରାଇଗ୍ଲିସରାଇଡ୍ସ ରହିଥାଏ । ଯାହା ଦ୍ଵାରା ହାର୍ଟ ଉପରେ ଭଲ ପ୍ରଭାବ ପକାଇବାରେ ସହାୟକ ହୋଇଥାଏ।
ଓଜନ ହ୍ରାସ : ଆମ ଶରୀରର ଓଜନ ଉପରେ ଏହା ନିୟନ୍ତ୍ରଣ ରଖିଥାଏ । ଚର୍ବିକୁ ମଧ୍ୟ ହ୍ରାସ କରିଥାଏ ।
ହଜମ ପ୍ରକ୍ରିୟାରେ ସୁଧାର : ଏଥିରେ ଫାଇବର ଗୁଣ ଥିବାରୁ ହଜମ ପ୍ରକ୍ରିୟାକୁ ଠିକ୍ ରଖିଥାଏ । ଖାଲି ପେଟରେ ନଡ଼ିଆ କ୍ଷୀର ପିଇବା ଦ୍ଵାରା ପେଟକୁ ସଫା ରଖିଥାଏ ।
ସ୍କିନ ପାଇଁ ଫଳପ୍ରଦ : ସ୍କିନକୁ ହାଇଡ୍ରେଟ ରଖିବା ସହିତ ମାଇଶ୍ଚରାଇଜ କରିଥାଏ ।
ହାଡ଼ ଶକ୍ତିରେ ବୃଦ୍ଧି : ନଡ଼ିଆ କ୍ଷୀରରେ କ୍ୟାଲସିୟମ ଓ ମ୍ୟାଗ୍ନେସିୟମ ଥିବାରୁ ଏହା ହାଡକୁ ସୁସ୍ଥ ରଖେ । ହାଡକୁ ମଜବୁତ୍ ରଖିଥାଏ । ହାଡ଼ ବୃଦ୍ଧି ପାଇଁ ବେଷ୍ଟ ବୋଲି ମାନଯାଇଥାଏ ।