ଉତ୍ତରପ୍ରଦେଶ ୩୦/୪ : ଉତ୍ତରପ୍ରଦେଶରୁ ଆସିଲା ଏକ ଅଦ୍ଭୁତ ପ୍ରେମ କାହାଣୀ । ପୂର୍ବରୁ ଝିଅ ପାଇଁ ଆସିଥିବା ପୁଅ ସହିତ ଫେରାର ହେଲା ୪୪ବର୍ଷୀୟ ମହିଳା । ତାଙ୍କ ନିଖୋଜ ହେବା ପରେ ପୋଲିସର ଦ୍ବାରସ୍ଥ ହୋଇଥିଲେ ପରିବାର ଲୋକ । ଏପ୍ରିଲ ୨୭ ତାରିଖରେ ନିଖୋଜ ମହିଳାଙ୍କୁ ଉଦ୍ଧାର କରି ସ୍ୱାମୀଙ୍କୁ ହସ୍ତାନ୍ତର କରିଛି ପୋଲିସ ।ଉତ୍ତରପ୍ରଦେଶ ଗୋଣ୍ଡା ଜିଲ୍ଲାରୁ ଏପରି ଘଟଣା ସାମ୍ନାକୁ ଆସିଛି । ବସ୍ତି ଜିଲ୍ଲାର ଦୁବୌଲିୟା ଥାନା ଅନ୍ତର୍ଗତ ଅଞ୍ଚଳରେ ଯୁବକଙ୍କ ସହିତ ୪୪ବର୍ଷୀୟ ମହିଳାଙ୍କ ଝିଅର ବିବାହ ପ୍ରସ୍ତାବ ଆସିଥିଲା । ପରେ କୌଣସି କାରଣରୁ ବିବାହ ପ୍ରସ୍ତାବ ଭାଙ୍ଗିଯାଇଥିଲା । ଯାହାଦ୍ବାରା ଦୁଇ ପରିବାର ମଧ୍ୟରେ ଯୋଗାଯୋଗ ମଧ୍ୟ କରାଯାଉନଥିଲା । କିନ୍ତୁ ସେହି ମହିଳା ଜଣକ ଝିଅ ସହିତ ପ୍ରସ୍ତାବ ପଡିଥିବା ପୁଅ ସହ ଘଣ୍ଟା ଘଣ୍ଟା ଧରି କଥାବର୍ତ୍ତା ହେଉଥିଲେ । ଯାହା ତାଙ୍କ ପରିବାର ଲୋକଙ୍କୁ ଝଣାନଥିଲା । ହଠାତ୍ ସେହି ଯୁବକଙ୍କ ସହିତ ୨୭ଏପ୍ରିଲରେ ଘର ଛାଡି ପଳାଇଥିଲେ ।
ଅନ୍ୟପଟେ ମହିଳାଙ୍କୁ ନପାଇବାରୁ ପରିବାର ଲୋକେ ଥାନାର ଆଶ୍ରୟ ନେଇଥିଲେ । ଗୋଣ୍ଡା ପୋଲିସ ତଦନ୍ତ କରିବା ପରେ ଜଣାପଡିଥିଲା ଯେ, ମହିଳା ଜଣକ ସେହି ପୁଅ ସହ ଫେରାର ହୋଇଥିଲେ ଯାହାଙ୍କ ସହିତ ତାଙ୍କ ଝିଅର ବାହାଘର ପ୍ରସ୍ତାବ ପଡିଥିଲା । ଆଉ ପରେ ଗଢିଉଠିଥିବା ସମ୍ପର୍କ ଭାଙ୍ଗିଯାଇଥିଲା । ପୋଲିସ ସେମାନଙ୍କୁ ଖୋଜୁଥିବା ଜାଣି ଦୁହେଁ ଭୟଭୀତ ହୋଇଯାଇଥିଲେ । ଯାହାଫଳରେ ମହିଳା ଜଣକ ଦୁବୌଲିୟା ଥାନାରେ ଆସି ପହଞ୍ଚି ନିଜର ପରିଚୟ ଦେଇଥିଲେ । ଦୁବୌଲିୟା ଥାନା ଗୋଣ୍ଡା ଥାନାର ପୋଲିସଙ୍କୁ ଖବର ଦେଇଥିଲେ । ସେମାନେ ସେଠାରୁ ମହିଳାଙ୍କୁ ନେଇ ଗୋଣ୍ଡା ଫେରିଥିଲେ ।
ଅଧିକ ପଚରାଉଚରା ପରେ ମହିଳା ମାନସିକ ସ୍ଥିତି ଠିକ୍ ନଥିବା କାରଣରୁ ଏପରି କରିଛନ୍ତି ବୋଲି ସେ କହିଥିଲେ । ବର୍ତ୍ତମାନ କିନ୍ତୁ ସେ ତାଙ୍କ ସ୍ବାମୀଙ୍କ ପାଖକୁ ଫେରିଯିବାକୁ ଚାହୁଁଛନ୍ତି । ପୋଲିସ ଅଧିକାରୀ କହିଛନ୍ତି ଯେ, ମହିଳାଙ୍କ ତାଙ୍କ ସ୍ବାମୀଙ୍କୁ ହସ୍ତାନ୍ତର କରାଯାଇଛି ଏବଂ ଆଇନଗତ ଭାବରେ ସମ୍ପର୍ଣ୍ଣ ପ୍ରକ୍ରିୟାକୁ ଶେଷ କରାଯିବ ।