ମାହାଙ୍ଗା ପଡିଲା ବସ ଦୁର୍ଘଟଣା କରି ଖସିଯିବା

ରାଜନଗର ୦୬/୫ : ରାଜନଗର ବ୍ଲକ ଚାନ୍ଦିବାଉଁଶମୂଳ ପଞ୍ଚାୟତର ବଡକୋଲ୍ଲା(ଚଡ଼ଦିଆ)ଗ୍ରାମର ଲୋକମାନେ ରାଜନଗର ତାଳଚୁଆ ରାସ୍ତାର ଚକ୍ରବର୍ତ୍ତୀ ଠାରେ ଏକ ଘରୋଇ ବସ କୁ ଅଟକାଇଥିଲେ ! ଖବର ପାଇ ରାଜନଗର ପୋଲିସ ଘଟଣା ସ୍ଥଳରେ ପହଞ୍ଚିଥିଲେ ! ଲୋକଙ୍କୁ ବୁଝାସୁଝା କରିବା ପରେ ଲୋକମାନେ ବସକୁ ଛାଡିଥିଲେ ! ଗତକାଲି ଅର୍ଥାତ ସୋମବାର ଦିନ ବଡ଼କୋଲ୍ଲା ଗ୍ରାମର ୨ ଜଣ ଅଙ୍ଗନବାଡି କର୍ମୀ ଟ୍ରେନିଂ ନେଇ ସ୍କୁଟରେ ଘରକୁ ଫେରୁଥିବା ବେଳେ ମଲିଆବୁଦା ଗାଁ ନିକଟରେ ଏକ ଅଟୋ କୁ ଓଭରଟେକ କରି ଦ୍ରୁତଗତିରେ ଯାଉଥିବା (ନାୟକ) ବସଟି ସ୍କୁଟିକୁ ଧକ୍କା ଦେଇଥିଲା ! ଯାହା ଫଳରେ ୨ ଅଙ୍ଗନବାଡି କର୍ମୀ ଗୁରୁତର ଆହତ ହୋଇ ତାଙ୍କର ହାତ ଭାଙ୍ଗିଯିବା ସହ ବିଭିନ୍ନ ସ୍ଥାନରେ ଖେତାକ୍ତ ହୋଇଥିଲେ ! ତାଙ୍କୁ ସ୍ଥାନୀୟ ଲୋକେ ଉଦ୍ଧାର କରି ରାଜନଗର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ଆଣିଥିଲେ ! ଅବସ୍ଥା ଗୁରୁତର ଥିବାରୁ ତାଙ୍କୁ ଜିଲ୍ଲା ସ୍ୱାସ୍ଥ୍ୟ କେନ୍ଦ୍ରକୁ ସ୍ଥାନାନ୍ତର କରାଯାଇଥିଲା ! ଜଣଙ୍କ ହାତ ପ୍ଳାଷ୍ଟର କେନ୍ଦ୍ରାପଡ଼ାରେ ଥିବାବେଳେ ଆଉ ଜଣେ ଅଙ୍ଗନବାଡି କର୍ମୀଙ୍କୁ କଟକ ସ୍ଥାନାନ୍ତର କରାଯାଇଥିଲା ! ବସଟି ଦୁର୍ଘଟଣା ଘଟାଇ ଦ୍ରୁତଗତିରେ ଚାଲିଯାଇଥିଲା ! ସେଇ ପ୍ରତିବାଦରେ ମଙ୍ଗଳବାର ଅର୍ଥାତ ଆଜି ଗାଁ ଲୋକମାନେ ବସ କୁ ଅଟକାଇଥିଲେ ! ପୋଲିସ ଘଟଣା ସ୍ଥଳରେ ପହଞ୍ଚି ବସ ମାଲିକ ସହିତ କଥା ହୋଇ ବସଟିକୁ ଛାଡିଦେଇଥିଲେ ! ଲୋକେମାନେ ଦାବି କରିଛନ୍ତି ଏହି ଘଟଣାର ବସ ମାଲିକ ତୁରନ୍ତ ସମାଧାନ ନ କଲେ ଆଗାମୀ ଦିନରେ ବସ ଚାଲିପାରିବ ନାହିଁ !