ଗଞ୍ଜାମ ୨୨/୫ : ଗଞ୍ଜାମରେ ଶୁଭିଲା ଗୁଳି । ରକ୍ତମୁଖା ସାଜିଲା ଭଣଜା । ମାମୁଁକୁ ଗୁଳିମାଡ଼ କରୁଥିବାବେଳେ ମଝିଲେ ଆସିଲେ ମାଇଁ । ମହିଳାଙ୍କ ଦେହରେ ଗୁଳି ବାଜିବାରୁ ସେ ଗୁରୁତର ଅବସ୍ଥାରେ ଏମକେସିଜିରେ ଭର୍ତ୍ତି ହୋଇଛନ୍ତି । ସେପଟେ ଅଭିଯୁକ୍ତ ଭଣଜା ଜଣକ ଫେରାର ଥିବା ଜଣାପଡ଼ିଛି ।ମାଇଁକୁ ଗୁଳିମାଡ଼ କରି ଭଣଜା ଫେରାର । ଗଞ୍ଜାମ ଜିଲ୍ଲାର ଖଲ୍ଲିକୋଟରେ ଏଭଳି ଘଟଣା ଘଟିଛି । ଗୁରୁତର ଅବସ୍ଥାରେ ମହିଳାଙ୍କୁ ଏମ୍କେସିଜିରେ ଭର୍ତ୍ତି କରାଯାଇଥିବା ସୂଚନା ମିଳିଛି । ଏହି ଗୁଳିମାଡ଼ ପରେ ଖଲ୍ଲିକୋଟ ସ୍ଥିତ କୋଦଳା ଥାନା ରାମପଲ୍ଲୀ ଗାଁରେ ଚାଞ୍ଚଲ୍ୟ ଖେଳିଯାଇଛି ।
ମାମୁଁ ଓ ଭଣଜାଙ୍କ ମଧ୍ୟରେ ତିକ୍ତତା ଲାଗି ରହିଥିଲା । କୌଣସି କାରଣରୁ ମାମୁଁକୁ ଗୁଳି ମାରିବାକୁ ଚେଷ୍ଟା କରିଥିଲା ଭଣଜା । ଗୁଳି ଫୁଟାଇବା ବେଳେ ମାଇଁ ସାମ୍ନାକୁ ଆସିଥିବାରୁ ଗୁଳି ବାଜିଥିବା ସୂଚନା ରହିଛି । ସମ୍ପୃକ୍ତ ମହିଳାଙ୍କୁ ଗୁରୁତର ଅବସ୍ଥାରେ ବ୍ରହ୍ମପୁର ଏମକେସିଜିରେ ଭର୍ତ୍ତି କରାଯାଇଛି । ସେପଟେ ଗୁଳିମାଡ଼ କରିଥିବା ଅଭିଯୁକ୍ତ ଫେରାର ଥିବା ଜଣାପଡିଛି ।