ପିପିଲି ୦୮ /୦୪ : ଜମି ଦଖଲକୁ କେନ୍ଦ୍ର କରି ଦଳିତ ମହିଳାଙ୍କୁ ଉଲଗ୍ନ କରି ଆକ୍ରମଣ । ପିପିଲି ଥାନା ସାତଶଙ୍ଖ ଫାଣ୍ଡି କାର୍ତ୍ତିକପଡ଼ାରେ ଦଳିତ ମହିଳାଙ୍କୁ ମାଡ଼ ମାରି ଉଲଗ୍ନ କରି ଆକ୍ରମଣ କରିଥିବା ଅଭିଯୋଗ ହୋଇଛି । ଏହି ଘଟଣାକୁ ନେଇ ୩ ଆହତ ହୋଇଥିବାବେଳେ ୨ ଜଣ ଗୁରୁତର ହୋଇଥିଲେ । ୪୮ ଘଣ୍ଟା ପରେ ବି ପୋଲିସ କାର୍ଯ୍ୟାନୁଷ୍ଠାନ ନକରି ପୀଡ଼ିତାଙ୍କୁ ଡାକି ପଚରାଉଚରା କରିଥିବା ଜଣାପଡ଼ିଛି । ଭିଡ଼ିଓ ଆଧାରରେ ତଦନ୍ତ ଜାରି ରହିଥିବାର ଥାନା ଅଧିକାରୀ ସୂଚନା ଦେଇଛନ୍ତି ।
ଅଭିଯୋଗ ଅନୁଯାୟୀ, ଦଳିତ ମହିଳାଙ୍କ ପରିବାର ୬୦ ବର୍ଷ ଧରି ଏକ ଜମିକୁ ଜଣେ ବ୍ୟକ୍ତିଙ୍କ ଠାରୁ ଆଣି ଦଖଲରେ ରଖିଥିଲେ । କିନ୍ତୁ ଏବେ ଅନ୍ୟ ଜଣେ ବ୍ୟକ୍ତି ସେହି ଜମିକୁ କିଣିଥିବା ଦାବି କରି ଦଖଲ କରିବାକୁ ଆସିଥିଲେ । ଏହାକୁ ମହିଳା ଜଣକ ବିରୋଧ କରିବାରୁ ବେଳେ ଉଭୟଙ୍କ ଭିତରେ ଗଣ୍ଡଗୋଳ ହୋଇଥିଲା ।
