ନୂଆଦିଲ୍ଲୀ ୦୮/୦୪: ଦିଲ୍ଲୀ ରାସ୍ତାରେ ଆଉ ଗଡିବନି ସିଏନଜି ଚାଳିତ ଅଟୋ ରିକ୍ସା । ପର୍ଯ୍ୟାୟକ୍ରମେ ପ୍ରତ୍ୟାହାର କରିବାକୁ ସୁପାରିଶ କରାଯାଇଛି । ଏକ ଡ୍ରାଫ୍ଟ EV ନୀତି ୨.୦ ମଧ୍ୟ ପ୍ରସ୍ତୁତ କରାଯାଇଛି । ସୋମବାର ସରକାରଙ୍କ ପକ୍ଷରୁ ଏହି ସୂଚନା ଜାରି କରାଯାଇଛି । ଯାହା କୁହାଯାଇଛି କି, ଅଗଷ୍ଟ ୧୫ ପରେ CNG ଅଟୋ ରିକ୍ସା ପାଇଁ କୌଣସି ନୂତନ ପଞ୍ଜୀକରଣ କରାଯିବ ନାହିଁ ।
ନୂତନ ଡ୍ରାଫ୍ଟ ନୀତି ଅନୁଯାୟୀ, ଅଗଷ୍ଟ ୧୫ ପରେ CNG ଅଟୋ ପରମିଟ୍ ମଧ୍ୟ ନବୀକରଣ କରାଯିବ ନାହିଁ । ଦୁଇଚକିଆ ଯାନ ମଧ୍ୟ ପ୍ରଭାବିତ ହେବ । ଘରୋଇ କାର ମାଲିକମାନଙ୍କ ପାଇଁ ମଧ୍ୟ ପରାମର୍ଶ ଦିଆଯାଇଛି । ସମସ୍ତ ପୁରୁଣା ପରମିଟ୍ କେବଳ ଇଲେକ୍ଟ୍ରିକ୍ ଅଟୋ ପରମିଟ୍ ସହିତ ବଦଳାଯିବ । ନୂତନ ନୀତିରେ ପୌର ସଂସ୍ଥା ଏବଂ ସିଟି ବସ୍ ଦ୍ୱାରା ଅଳିଆ ବୋହିବା ପାଇଁ ବ୍ୟବହୃତ ସମସ୍ତ ଯାନବାହନକୁ ସ୍କ୍ରାପ୍ କରିବାକୁ ମଧ୍ୟ ସୁପାରିଶ କରାଯାଇଛି ।
ଡ୍ରାଫ୍ଟରେ ସୁପାରିଶ କରାଯାଇଛି ଯେ ୧୦ ବର୍ଷରୁ ଅଧିକ ପୁରୁଣା ସମସ୍ତ CNG ଅଟୋରିକ୍ସା ବାଧ୍ୟତାମୂଳକ ଭାବରେ ବ୍ୟାଟେରୀରେ ସ୍ଥାନାନ୍ତରିତ ହେବ । ଆହୁରି ବି ଅଗଷ୍ଟ ୧୫ରୁ ପେଟ୍ରୋଲ, ଡିଜେଲ ଏବଂ ସିଏନଜିରେ ଚାଲୁଥିବା ଦୁଇଚକିଆ ଯାନଗୁଡ଼ିକୁ ମଧ୍ୟ ଅନୁମତି ଦିଆଯିବ ନାହିଁ । ସାମଗ୍ରୀ ପରିବହନ ପାଇଁ ବ୍ୟବହୃତ CNG-ଆଧାରିତ ତିନି ଚକିଆ ଯାନ ମଧ୍ୟ ପଞ୍ଜୀକୃତ ହେବ ନାହିଁ । ନୂତନ ନୀତି ଅନୁଯାୟୀ, ଦିଲ୍ଲୀ ନଗର ନିଗମ, ନଗର ପରିଷଦ ଏବଂ ଜଳ ବୋର୍ଡର ସମସ୍ତ ଅଳିଆ ଆବର୍ଜନା ଯାନଗୁଡ଼ିକୁ ପର୍ଯ୍ୟାୟକ୍ରମେ ବୈଦ୍ୟୁତିକ ଯାନରେ ପରିଣତ କରାଯିବ ।
ଡ୍ରାଫ୍ଟରେ ଡିସେମ୍ବର ୩୧, ୨୦୨୭ସୁଦ୍ଧା ଦିଲ୍ଲୀରେ ୧୦୦ପ୍ରତିଶତ ଇଲେକ୍ଟ୍ରିକ୍ ଯାନବାହନ ସୁନିଶ୍ଚିତ କରିବାକୁ ସୁପାରିଶ କରାଯାଇଛି। ସରକାରୀ ବସ୍ଗୁଡ଼ିକୁ ଇଲେକ୍ଟ୍ରିକ୍ ବସ୍ରେ ପରିଣତ କିଣିବେ । ଯେତେବେଳେ BS-VI ବର୍ଗର ବସ୍ ରାଜ୍ୟ ମଧ୍ୟରେ ଚଳାଚଳ କରିବ।