ତେଲେଙ୍ଗାନା ୦୮/୫ N ଛତିଶଗଡ ଓ ତେଲେଙ୍ଗାନା ସୀମାରେ ନକ୍ସଲ ଓ ସୁରକ୍ଷାବାହିନୀଙ୍କ ମଧ୍ୟରେ ଗୁଳି ବିନିମୟ ହୋଇଛି । ସୂତ୍ରରୁ ମିଳିଥିବା ଖବର ମୁତାବକ, ସୁରକ୍ଷାକର୍ମୀଙ୍କ ଗାଡିକୁ ନକ୍ସଲମାନେ ଆଇଇଡି ବିସ୍ଫୋରଣ କରିଛନ୍ତି । ଏଥିରେ ୩ ସେନା ଯବାନ ସହିଦ ହୋଇଥିବା ବେଳେ ୩ ଜଣ ଗୁରୁତର ଭାବେ ଆହତ ହୋଇଛନ୍ତି । ତେବେ ଏନେଇ ଆନୁଷ୍ଠାନିକ ଭାବରେ କୌଣସି ସୂଚନା ମିଳିନାହିଁ ।
ପୋଲିସର ବରିଷ୍ଠ ଅଧିକାରୀଙ୍କ ସୂଚନାନୁସାରେ, ମୁଲୁଗୁ ଜିଲ୍ଲାର ବଜିଦୁ-ପେରୁର ଥାନା ଅନ୍ତର୍ଗତ ଜଙ୍ଗଲରେ ନିୟମିତ ଅଭ୍ୟାସ କରୁଥିଲେ ଯବାନ । ସେହି ସମୟରେ ବୀରଭଦ୍ରବରମ୍ ଓ ତଡାପାଲା ପାହାଡିଆ ଅଂଚଳରେ ଆକ୍ରମଣ କରିଥିଲେ ନକ୍ସଲ । ସୂଚନା ମୁତାବକ, ଏହି ଅଂଚଳରେ ଉତ୍ତେଜନା ଲାଗି ରହିଥିବା ବେଳେ ସୁରକ୍ଷାକର୍ମୀ ଓ ନକ୍ସଲଙ୍କ ମଧ୍ୟରେ ଗୁଳି ବିନିମୟ ଜାରି ରହିଛି । ସର୍ଚ୍ଚ ଅପରେସନ ଚାଲିଛି ।