ଦେଶରେ ସମସ୍ୟା ବଢାଇଲା LPG ଗ୍ୟାସ ଦରର ବୃଦ୍ଧି । ଘରୋଇ LPG ଗ୍ୟାସ ସିଲିଣ୍ଡରରେ ୫୦ଟଙ୍କା ବୃଦ୍ଧି କରିଛନ୍ତି ସରକାର । ଏହି ବର୍ଦ୍ଧିତ ଦର ଆସନ୍ତା କାଲି ୮ ତାରିଖରୁ ଲାଗୁହେବ । । ଉଜ୍ଜ୍ବଳା ଗ୍ୟାସ ଯୋଜନାରେ ମିଳୁଥିବା LPG ଗ୍ୟାସକୁ ୫୦୩ଟଙ୍କାରୁ ୫୫୩ଟଙ୍କାକୁ ବୃଦ୍ଧି ପାଇଛି । ଅଣ-ଉଜ୍ଜ୍ବଳା ଗ୍ୟାସ ଯୋଜନା ରେ ମିଳୁଥିବା LPG ଗ୍ୟାସ ସିଲିଣ୍ଡର ୮୦୩ରୁ ୮୫୩ କୁ ବୃଦ୍ଧି ପାଇଛି । ଯାହା ବର୍ତ୍ତମାନ ଗ୍ୟାସ ସିଲିଣ୍ଡର ବ୍ୟବହାରକାରୀଙ୍କୁ ବଡ ଝଟକା ଦେଇଛି ।
ପେଟ୍ରୋଲିୟମ ମନ୍ତ୍ରୀ ହରଦୀପ ସିଂଙ୍କ ସୂଚନାନୁଯାୟୀ, ଅନ୍ତର୍ଜାତୀୟରେ ଦର ବୃଦ୍ଧି ପାଉଥିବାରୁ ଏଠାରେ ଦର ହ୍ରାସ ପାଉଥିବାରୁ ସିଲିଣ୍ଡର ପିଛା ୫୦ ଟଙ୍କା ବୃଦ୍ଧି କରାଯାଇଛି । ୧୦କୋଟି ଲୋକ ଉଜ୍ଜ୍ବଳା ଗ୍ୟାସର ବ୍ୟବହାର କରୁଛନ୍ତି । ତେଣୁ ଦର ବୃଦ୍ଧିକୁ ନେଇ ଆଲୋଚନା କରାଯିବ ବୋଲି ମିଡିଆରେ କହିଛନ୍ତି ପେଟ୍ରୋଲିୟମ ମନ୍ତ୍ରୀ ।
ଅନ୍ୟପଟେ ଗତବର୍ଷ ଗ୍ୟାସ ସିଲିଣ୍ଡର ଦରରେ ପରିବର୍ତ୍ତନ ହୋଇଥିଲା । ୨୦୨୪ରେ ୧୪.୨କିଲୋ ସିଲିଣ୍ଡରରେ ମୂଲ୍ୟ ବୃଦ୍ଧି ପାଇଥିଲା । ଦିଲ୍ଲୀରେ ଗ୍ୟାସର ମୂଲ୍ୟ ୮୦୩ଟଙ୍କା, ମୁମ୍ବାଇରେ ୮୦୨.୫୦ଟଙ୍କା, କୋଲକତାରେ ୮୨୯ ଟଙ୍କା ଏବଂ ଚେନ୍ନାଇରେ ୮୧୮.୫୦ଟଙ୍କାକୁ ବୃଦ୍ଧି ପାଇଥିଲା ।
