ମର୍ଯ୍ୟାଦା ପୁରୁଷୋତ୍ତମ ପ୍ରଭୁ ରାମ ଚନ୍ଦ୍ର । ଅପେକ୍ଷାର ଅନ୍ତ ହୋଇଛି । ସାରାଦେଶରେ ଧୂମଧାମରେ ପାଳନ କରାଯାଉଛି ରାମ ନବମୀ । ଅଯୋଧ୍ଯାରୁ ଆରମ୍ଭ କରି ଗାଁ ଗାଁରେ ଶୁଭୁଛି ରାମ ଲାଲାଙ୍କ ଜୟଗାନ । ଭକ୍ତିରେ ଲୀନ ହେଉଛନ୍ତି ଭକ୍ତ । ପ୍ରଭୁ ରାମଙ୍କ ଆସିବା ବାଟକୁ ଚାହିଁ ରହିଥିଲା ଭକ୍ତ, ଏବେ ତାହାର ମନୋସ୍କାମନା ପୂର୍ଣ୍ଣ ହୋଇଛି ରାମନବମୀରେ ରାମଙ୍କୁ ପାଇ ।
ଆଜି ସାରା ଦେଶରେ ରାମ ନବମୀ ପାଳନ କରାଯାଉଛି। ଅଯୋଧ୍ୟାରେ ପ୍ରଭୁ ଶ୍ରୀରାମଙ୍କ ସୂର୍ଯ୍ୟ ତିଳକ କରାଯାଇଛି। ଅଯୋଧ୍ୟାର ଭବ୍ୟ ଶ୍ରୀରାମ ଜନ୍ମଭୂମି ମନ୍ଦିର ୨୨ ଜାନୁଆରୀ ୨୦୨୪ରେ ଉଦଘାଟନ ହୋଇଥିଲା। ଏହି ଐତିହାସିକ ମୁହୂର୍ତ୍ତ ସହିତ, ମନ୍ଦିରରେ ରାମଲାଲାଙ୍କ ଆନୁଷ୍ଠାନିକ ଅଭିଷେକ ମଧ୍ୟ ହୋଇଥିଲା। ସମ୍ପ୍ରତି, ମନ୍ଦିରର ମୁଖ୍ୟ ପୂଜକ ଆଚାର୍ଯ୍ୟ ସତ୍ୟେନ୍ଦ୍ର ଦାସଙ୍କ ଦେହାନ୍ତ ପରେ, ପଣ୍ଡିତ ମୋହିତ ପାଣ୍ଡେଙ୍କୁ ମନ୍ଦିରର ନୂତନ ମୁଖ୍ୟ ପୂଜକ ଭାବରେ ନିଯୁକ୍ତ କରାଯାଇଥିଲା।
ଏବେ ସେ ରାମଲାଲାଙ୍କ ଦୈନନ୍ଦିନ ପୂଜା ଏବଂ ଧାର୍ମିକ ରୀତିନୀତିର ଯତ୍ନ ନେଉଛନ୍ତି। ଏସବୁ ଭିତରେ ତାଙ୍କର ଦରମା କେତେ ଜାଣନ୍ତି କି?
ଗଣମାଧ୍ୟମ ରିପୋର୍ଟ ଅନୁସାରେ, ରାମ ମନ୍ଦିରର ମୁଖ୍ୟ ପୂଜକ ପଣ୍ଡିତ ମୋହିତ ପାଣ୍ଡେଙ୍କ ଦରମା ୩୨,୦୦ଟଙ୍କା। ଯେତେବେଳେ କି ସହାୟକ ପୁରୋହିତମାନେ ୩୧ ହଜାର ଟଙ୍କା ଦରମା ପାଆନ୍ତି। ପୂର୍ବରୁ ଏହି ଦରମା ୨୫ ହଜାର ଟଙ୍କା ଥିଲା।
ଦରମା ବ୍ୟତୀତ, ପଣ୍ଡିତ ମୋହିତ ପାଣ୍ଡେଙ୍କୁ ଟ୍ରଷ୍ଟ ଦ୍ୱାରା ଅନ୍ୟାନ୍ୟ ଧାର୍ମିକ କାର୍ଯ୍ୟକଳାପ, ରହିବା, ଯାତ୍ରା ସୁବିଧା ଏବଂ ବିଶେଷ ଧାର୍ମିକ କାର୍ଯ୍ୟକ୍ରମରେ ଅଂଶଗ୍ରହଣ କରିବା ପାଇଁ ବ୍ୟବସ୍ଥା ସହିତ ଜଡିତ ଆବଶ୍ୟକୀୟ ସୁବିଧା ମଧ୍ୟ ଯୋଗାଇ ଦିଆଯାଏ।
ପ୍ରତି ବର୍ଷ ଚୈତ୍ର ମାସ ଶୁକ୍ଳ ପକ୍ଷ ନବମୀ ତିଥିରେ ପାଳନ କରାଯାଏ ରାମ ନବମୀ । ରାକ୍ଷସମାନଙ୍କର ବଧ କରିବା ଏନଂ ବିଶ୍ୱରୁ ନକରାତ୍ମକ ଶକ୍ତି ଦୂର କରିବା ଲାଗି ରାମ ଜନ୍ମ ନେଇଥିଲେ । ଯାହାଙ୍କ ପଦାଙ୍କ ଅନୁସରଣ କରିଥାଏ ସାରା ବିଶ୍ୱ । ହିନ୍ଦୁମାନଙ୍କ ପାଇଁ ଏହା କେବଳ ଏକ ପର୍ବ ନୁହେଁ ବରଂ ପିତୃସତ୍ୟ ପାଳନ, ଭାତୃପ୍ରେମ ତଥା ନକରାତ୍ମକ ଶକ୍ତି ଉପରେ ସକରାତ୍ମକ ଶକ୍ତିର ବିଜୟ ଭାବରେ ପରିଗଣିତ ।
