ବିଜ୍ଞାନ ୦୮/୦୪ : ବିଜ୍ଞାନର ଚମତ୍କାର। ୧୨ ହଜାର ୫୦୦ ବର୍ଷ ତଳେ ଲୋପ ପାଇଯାଇଥିବା ଗଧିଆ ପାଇଛି ପୁନର୍ଜନ୍ମ। ୧୨ ହଜାର ୫୦୦ ବର୍ଷ ତଳେ ଆଇସ୍ ଏଜ୍ ସମୟରେ ଡାୟାର ୱଲ୍ଫ ପ୍ରଜାତିର ପ୍ରାଣି ଲୋ ପାଇ ଯାଇଥିଲା। କଲୋଜାଲ ବାୟୋ ସାଇନ୍ସ ଏହି ଜୀବକୁ ପୁଣି ପୁନର୍ଜନ୍ମ ଦେଇଛି। ୧୨ ହଜାର ବର୍ଷ ତଳର ଡିଏନଏରୁ ୩ ଗଧିଆ ଛୁଆଙ୍କୁ ସୃଷ୍ଟି କରିଛନ୍ତି ବୈଜ୍ଞାନିକ। ତିନି ଛୁଆଙ୍କ ନାଁ ରଖାଯାଇଛି ରୋମୁଲୁସ୍, ରେମୁସ୍ ଓ ଖାଲେସି। ଜେନେଟିକ୍ ଇଞ୍ଜିନିୟରିଂ ବ୍ୟବହାର କରି ଏହି ସଫଳତା ପାଇଛନ୍ତି ବୈଜ୍ଞାନିକ। ଉତ୍ତର ଆମେରିକାର ଡାୟାର ୱଲ୍ଫ ଜୀବାସ୍ମରୁ ଡିଏନଏ ପାଇଥିଲେ ବୈଜ୍ଞାନିକ। ଗୃହପାଳିତ କୁକୁରକୁ ସରୋଗେଟ୍ ମଦର ଭାବେ ବ୍ୟବହାର ୩ ଗଧିଆ ଛୁଆଙ୍କୁ ବିକଶିତ କରାଯାଇଛି। ଏବେ ୬ ମାସର ହୋଇ ଗଲେଣି ୩ ଛୁଆ। ସେମାନଙ୍କୁ ଆମେରିକାରେ ଏକ ସୁରକ୍ଷିତ ସ୍ଥାନରେ ରଖାଯାଇଛି। ତେବେ ମୂଳ ଡାୟାର ପ୍ରଜାତିର ଗଧିଆ ଭଳି ଏହି ୩ ଛୁଆଙ୍କ ପ୍ରକୃତି ହୋଇ ନପାରେ ବୋଲି ବୈଜ୍ଞାନିକ କହିଛନ୍ତି।
ବୈଜ୍ଞାନିକମାନଙ୍କ ସୂଚନାନୁଯାୟୀ, ଗଡିଆମାନେ ଆଧୁନିକ ଚାଲିଚଲଣିଠାରୁ କିଛି ମାତ୍ର ଭିନ୍ନ ରହିଛନ୍ତି । ଏମାନେ ହରିଣ ଭଳି ବଡ ବଡ ଜୀବଙ୍କୁ ଶିକାର କରିବାରେ ସକ୍ଷମ ହୋଇନପାରନ୍ତି । ତାଙ୍କ ଶିକାର ଦକ୍ଷତାରେ ସମ୍ଭାବନା କମ୍ ରହିବ । ଶିକ୍ଷା ଦେବା ପାଇଁ ବନ୍ୟ ପିତାମାତାଙ୍କ ସୁବିଧା ନାହିଁ ତେଣୁ ତାଙ୍କ ଶିକାର ଦକ୍ଷତାରେ ଦୃଢ ହୋଇପାରୁନାହାନ୍ତି ।
ଅନ୍ୟପଟେ ବୈଜ୍ଞାନିକମାନେ ବିଲୁପ୍ତ ପ୍ରାଣୀଙ୍କର ପୁର୍ନଜୀବିତ ପାଇଁ ଯୋଜନା ରଖିଛନ୍ତି । ଏତିକି ନୁହେଁ ବରଂ ମ୍ୟାମଥ, ଡୋଡୋ, ବାଘ ଭଳି ଅନେକ ପ୍ରଜାତିର ପ୍ରାଣୀମାନଙ୍କ ପୁର୍ନଜନ୍ମ ପାଇଁ ଲକ୍ଷ୍ୟ ରଖିଛନ୍ତି । ଅନ୍ୟ ପ୍ରକଳ୍ପ ଗୁଡିକ ପାଇଁ ମଧ୍ୟ ଚ୍ୟାଲେଞ୍ଜ ନେଇଛନ୍ତି ବୈଜ୍ଞାନିକମାନେ ।
