ଦୁବାଇ: ଚାମ୍ପିଅନ୍ସ ଟ୍ରଫିରେ ଆଜି ମୁହାଁମୁହିଁ ହେବେ ଭାରତ-ନ୍ୟୁଜିଲାଣ୍ଡ । ସେମି ଫାଇନାଲକୁ ପ୍ରବେଶ କରି ସାରିଥିବା ଗ୍ରୁପ ‘ଏ’ର ଦୁଇ ଟିମ ମଧ୍ୟରେ ହେବ ଏହି ଟକ୍କର । ଗ୍ରୁପ ଶୀର୍ଷରେ ରହିବାକୁ ଆଜି ମୁହାଁମୁହିଁ ହେବେ ଭାରତ-ନ୍ୟୁଜିଲାଣ୍ଡ । ଦୁବାଇରେ ଅପରାହ୍ଣ ୨ଟା ୩୦ରେ ଖେଳାଯିବ ମ୍ୟାଚ୍ । ସେମିକୁ ଦୁଇ ଦଳ ଯାଇ ସାରିଥିବାରୁ ଟୁର୍ଣ୍ଣାମେଣ୍ଟ ପାଇଁ ଏହା ଗୁରୁତ୍ବପୂର୍ଣ୍ଣ ନୁହେଁ । ବିଜୟ ଧାରା ବଜାୟ ରହିବା ଗୁରୁତ୍ବପୂର୍ଣ୍ଣ । ଉଭୟ ଦଳ ଏପର୍ଯ୍ୟନ୍ତ ଅପରାଜେୟ ଅଛନ୍ତି । ଦୁଇଟି ଲେଖାଏଁ ମ୍ୟାଚ୍ ଖେଳି ବିଜୟୀ ହୋଇଛନ୍ତି ।
ଟିମ୍ ଇଣ୍ଡିଆ ଆଜି ନ୍ୟୁଜିଲାଣ୍ଡ ବିକ୍ଷରେ ଲିଗ୍ ମ୍ୟାଚ ଖେଳିବ । ରୋହିତ ଶର୍ମା ହେମଷ୍ଟ୍ରିଂ ଆଘାତ ଯୋଗୁଁ ଯଦି ମ୍ୟାଚରୁ ବାଦ୍ ପଡନ୍ତି, ତେବେ ତାଙ୍କ ସ୍ଥାନରେ ଶୁବମନଙ୍କୁ ଅଧିନାୟକ ଦାୟିତ୍ବ ମିଳିବ ବୋଲି ଅନୁମାନ କରାଯାଉଛି । ସେହିପରି ଟିମରେ ରିଷଭ ପନ୍ତଙ୍କୁ ମଧ୍ୟ ସୁଯୋଗ ମିଳିପାରେ ।
ଆଜିର ମ୍ୟାଚ ପାଇଁ ପ୍ଲେଇଂ ଇଲେଭେନ ଉପରେ ନଜର ରହିଛି । ଅନ୍ୟପଟେ ବିରାଟ କୋହଲି ଆଜି ତାଙ୍କର ୩୦୦ତମ ଦିନିକିଆ ମ୍ୟାଚ ଖେଳିବେ । ପାକିସ୍ତାନ ବିପକ୍ଷରେ ଧୂଆଁଦାର ବ୍ୟାଟିଂ କରିଥିଲେ । ଆଜି ପୁଣି ତାଙ୍କ ବ୍ୟାଟକୁ ଅପେକ୍ଷା କରିବେ ଫ୍ୟାନ୍ସ ।
ସେହିଭଳି ରୋହିତ ଶର୍ମାଙ୍କ ଠାରୁ ମଧ୍ୟ ବଡ଼ ସ୍କୋର ଆଶା ରହିଛି । ପୂରା ଟିମ ଫର୍ମରେ ଅଛି । ପଏଣ୍ଟ ଟେବୁଲରେ ୪ ପଏଣ୍ଟ ସହ ନ୍ୟୁଜିଲାଣ୍ଡ ପ୍ରଥମ ସ୍ଥାନରେ ଥିବାବେଳେ ଭାରତ ମଧ୍ୟ ୪ ପଏଣ୍ଟ ସହ ଦ୍ବିତୀୟ ସ୍ଥାନରେ ରହିଛି ।
