ସମ୍ବଲପୁର: ସମ୍ବଲପୁରରେ ଚାଞ୍ଚଲ୍ୟ । ପାଇଖାନା ଟାଙ୍କିରୁ ବ୍ୟକ୍ତିଙ୍କ ମୃତଦେହ ଉଦ୍ଧାର । ସମ୍ବଲପୁରର ଗେଙ୍ଗୁଟିପାଲି ଅଞ୍ଚଳରେ ଥିବା ଏକ ପାଇଖାନା ଟାଙ୍କିରୁ ମିଳିଲା ମୃତଦେହ । ଉଦ୍ଧାର କଲେ ଅଗ୍ନିଶମ ବାହୀନି ଓ ପୋଲିସ । ମୃତକ ସ୍ଥାନୀୟ ଅଞ୍ଚଳର ଶେଖ୍ ହୁସେନ ବୋଲି ଜଣାପଡିଛି । ତେବେ ତାଙ୍କୁ ହତ୍ୟା କରାଯାଇଥିବା ସମ୍ପର୍କୀୟ ଅଭିଯୋଗ କରିଛନ୍ତି । ଘଟଣାସ୍ଥଳରେ ପୋଲିସର ତଦନ୍ତ ଜାରି ।
ଶେଖ୍ ହୁସେନ ଜଣେ କବାଡ଼ିବାଲା ଭାବରେ କାମ କରୁଥିବା ବେଳେ ଗତକାଲି ଘରକୁ ଫେରିନଥିଲେ । ଆଜି ସକାଳୁ ତାଙ୍କ ଟ୍ରଲିଟି ଦେଖିବାକୁ ମିଳିଥିଲା । ଖୋଜାଖୋଜି ପରେ ନିକଟସ୍ଥ ଏକ ପାଇଖାନା ଟାଙ୍କିରୁ ହୁସେନ୍ଙ୍କ ମୃତଦେହ ମିଳିଛି । ତାଙ୍କୁ ହତ୍ୟା କରି ଫିଙ୍ଗି ଦିଆଯାଇଥିବା ସମ୍ପର୍କୀୟ ଅଭିଯୋଗ କରିଛନ୍ତି ।
ହୁସେନଙ୍କ ମୃତ୍ୟୁର କାରଣ ଜାଣିବାକୁ ପୁଲିସ ସ୍ଥାନୀୟ ଅଞ୍ଚଳରେ ଲାଗିଥିବା ସିସିଟିଭି ଯାଞ୍ଚ କରୁଛି । ହୁସେନଙ୍କୁ ହତ୍ୟା କରି ପାଇଖାନା ଟାଙ୍କିରେ ଫିଙ୍ଗି ଦିଆଯାଇଛି ନା ମୃତ୍ୟୁ ପଛରେ ଆଉ କିଛି କାରଣ ରହିଛି ? ହତ୍ୟା ଅଭିଯୋଗ କରୁଥିବା ପରିବାର ଲୋକ ଅଭିଯୁକ୍ତକୁ ଧରି ଦୃଢ଼ କାର୍ୟ୍ୟାନୁଷ୍ଠାନ ଦାବି କରିଛନ୍ତି ।
