ସୁନ୍ଦରଗଡ଼: ପାରିବାରିକ କଳହର କରୁଣ ପରିଣତି । ଇଟାରେ ଛେଚି ସ୍ତ୍ରୀକୁ ହତ୍ୟାକଲା ନୃଶଂସ ସ୍ବାମୀ । ଏଭଳି ହତ୍ୟାକାଣ୍ଡ ଘଟିଛି ସୁନ୍ଦରଗଡ଼ ଟାଉନ ଥାନା ଭବାନିପୁର ରଜାମୁଣ୍ଡା ବସ୍ତିରେ । ସ୍ବାମୀ ମଙ୍ଗଳକୁ ଅଟକ ରଖି ପଚାରା ଉଚରା ଚଳାଛି ପୋଲିସ । ଖବର ଅନୁଯାୟୀ, ମଙ୍ଗଲୁ ଓ ତାଙ୍କ ପତ୍ନୀଙ୍କ ମଧ୍ୟରେ ପାରିବାରିକ ବିବାଦ ନେଇ ଯୁକ୍ତିତର୍କ ଚାଲିଥିଲା । ଦେଖୁ ଦେଖୁ ଉଭୟଙ୍କ ମଧ୍ୟରେ ବିବାଦ ବଢିବାରେ ଲାଗିଥିଲା । ଯେଉଁଥିରେ ସ୍ୱାମୀ ମଙ୍ଗଲୁ ରାଗି ଯାଇ ଏକ ଇଟାରେ ସ୍ତ୍ରୀର ମୁଣ୍ଡକୁ ଛେଚି ଦେଇଥିଲା । ଯାହାଫଳରେ ଘଟଣାସ୍ଥଳରେ ହିଁ ସ୍ତ୍ରୀର ଚାଲିଯାଇଛି ଜୀବନ । ଏବେ ମାଆର ମୃତ୍ୟୁ ପରେ ୩ ଛୁଆ ଅନାଥ ହୋଇପଡ଼ିଛନ୍ତି ।
ସେପଟେ ହତ୍ୟାକାଣ୍ଡ ସଂପର୍କରେ ସୁନ୍ଦରଗଡ଼ ଟାଉନ ଥାନା ପୋଲିସକୁ ତୁରନ୍ତ ଖବର ଦେଇଥିଲେ ଗାଁ ଲୋକ । ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚିଥିଲା। ଆଉ ଅଭିଯୁକ୍ତକୁ ଧରିବା ପାଇଁ ଛାନ୍ଭିନ୍ ଜାରି ରଖିଥିଲା । ଶେଷରେ ହତ୍ୟାକାରୀ ସ୍ୱାମୀକୁ ଗିରଫ କରିଥିଲା ପୋଲିସ । ଏହାସହ ମହିଳାଙ୍କ ମୃତଦେହକୁ ଜବତ କରି ବ୍ୟବଚ୍ଛେଦ ନିମନ୍ତେ ପଠାଇଛି ।
