ପ୍ରତି ଛକରେ ହେବ ଲେନ୍‌ ଡ୍ରାଇଭ , ଜୟଦେବବିହାରରୁ ଆରମ୍ଭ

ଯିଏ ଯେଉଁ ଲେନ୍‌ରେ ଥିବେ, ଟ୍ରାଫିକ୍‌ ଛକ ପୂର୍ବରୁ ସେହି ଲେନ୍‌ରେ ହିଁ ରହିବେ। ଏହି ସ୍ଥାନରେ କୌଣସି ଗାଡ଼ି ଅନ୍ୟ ଗାଡ଼ିକୁ ଅତିକ୍ରମ କରିପାରିବ ନାହିଁ ବୋଲି ଟ୍ରାଫିକ୍‌ ଡିସିପି ତପନ ମହାନ୍ତି କହିଛନ୍ତି। କେହି ନିୟମ ଉଲ୍ଲଂଘନ କଲେ, ସେଠାରେ ଥିବା ଟ୍ରାଫିକ୍‌ ପୁଲିସ କାର୍ଯ୍ୟାନୁଷ୍ଠାନ ନେବେ। ମଙ୍ଗଳବାର ଅପରାହ୍ଣରେ ଜୟଦେବବିହାର ଓଭରବ୍ରିଜ୍‌ ନିକଟରେ ପରୀକ୍ଷାମୂଳକ ଭାବେ ଏହି ଅଭିଯାନ ଆରମ୍ଭ କରାଯାଇଛି। ପ୍ରଥମେ କିଛିଦିନ ଲୋକଙ୍କୁ ସଚେତନ କରାଯିବ। ପରବର୍ତ୍ତୀ ସମୟରେ ଏହାକୁ ପ୍ରତି ଛକରେ କଡ଼ାକଡ଼ି ଭାବେ ଲାଗୁ କରାଯିବ ‌ବୋଲି ଡିସିପି ଶ୍ରୀ ମହାନ୍ତି କହିଛନ୍ତି।