ରାଜ୍ୟ ୨/୬ : ଗୃହିଣୀଙ୍କ ପାଇଁ ଖୁସି ଖବର । ଶସ୍ତା ହେଲା LPG ସିଲିଣ୍ଡର । ୨୪ ଟଙ୍କା ଶସ୍ତା ହେଲା କର୍ମସିଆଲ ଗ୍ୟାସ ସିଲିଣ୍ଡର। ଆଜିଠୁ ନୂଆ ଦର ଲାଗୁ । ଅଏଲ ମାର୍କେଟିଙ୍ଗ କମ୍ପାନୀ ଦ୍ବାରା ୧୯କେଜି କର୍ମସିଆଲ ଗ୍ୟାସ ସିଲିଣ୍ଡର ଦାମ କମାଯାଇଛି । ଦିଲ୍ଲୀରେ ୧୯ କିଲୋ କର୍ମସିଆଲ LPG ସିଲିଣ୍ଡରର ମୂଲ୍ୟ ୧୭୭୬ ଟଙ୍କାରୁ ହ୍ରାସ ପାଇ ୧୭୫୧.୫୦ ଟଙ୍କା ହୋଇଛି । ଘରୋଇ LPG ସିଲିଣ୍ଡରର ମୂଲ୍ୟରେ କୌଣସି ପରିବର୍ତ୍ତନ ହୋଇନାହିଁ।
ପୂର୍ବରୁ କର୍ମସିଆଲ ସିଲିଣ୍ଡର ଦାମ ୧୭୬୨ଟଙ୍କା ଥିବା ବେଳେ ବର୍ତ୍ତମାନ ୨୪ଟଙ୍କା କମି ଦିଲ୍ଲୀରେ ୧୭୩୮ ଟଙ୍କା ରହିଛି । କୋଲକତାରେ ସିଲିଣ୍ଡରର ନୂତନ ଦର ୧୮୨୬ ଟଙ୍କା ହୋଇଥିବା ବେଳେ ଚେନ୍ନାଇରେ ରବିବାର ଠାରୁ ୧୮୮୧ ଟଙ୍କା ହୋଇଛି । ମହାରାଷ୍ଟ୍ରର ମୁମ୍ବାଇରେ ସିଲିଣ୍ଡରର ଦର ୧୬୭୪.୫୦ ଟଙ୍କା ରହିଥିବା ବେଳେ ବେଙ୍ଗାଲୁରୁରେ ନୂଆ ଦର ୧୭୯୬.୫୦ ଟଙ୍କା ହୋଇଛି । ଭୁବନେଶ୍ୱରରେ କର୍ମସିଆଲ ସିଲିଣ୍ଡରର ମୂଲ୍ୟ ୧୭୫୨ ଟଙ୍କା ହୋଇଛି ।
ଲଗାତାର ତୃତୀୟ ମାସ ଧରି କର୍ମସିଆଲ ସିଲିଣ୍ଡରର ଦର ହ୍ରାସ ପାଇଛି । ପୂର୍ବରୁ, ମେ’ ମାସରେ ମୂଲ୍ୟ ୧୪.୫ ଟଙ୍କା ହ୍ରାସ କରାଯାଇଥିଲା ଏବଂ ଏପ୍ରିଲ ମାସରେ ମଧ୍ୟ ୪୧ ଟଙ୍କା ହ୍ରାସ କରାଯାଇଥିଲା ।