ରାୟଗଡ଼ା: ଅନଲାଇନ୍ ଗେମ୍ ନେଲା ଦଶମ ଶ୍ରେଣୀ ଛାତ୍ରୀଙ୍କ ଜୀବନ । ରାୟଗଡ଼ା ଜିଲ୍ଲା ରାମନାଗୁଡ଼ା ଥାନା ଗଣପତିଗୁଡ଼ାରେ ଜଣେ ଛାତ୍ରୀ ଅନଲାଇନ୍ ଗେମ୍ ଖେଳି ଜୀବନ ହାରିଥିବା ପରିବାର ଲୋକ ଅଭିଯୋଗ କରିଛନ୍ତି । ନିଜ ଘର ଶୌଚାଳୟରେ ବେକରେ ଚୁନି ଦେଇ ଜୀବନ ହାରିଛନ୍ତି ଛାତ୍ରୀ ସାଇନା ସାହୁ । ଚଳିତ ବର୍ଷ ସେ ମାଟ୍ରିକ ପରୀକ୍ଷା ଦେଇଥିଲେ । ଘଟଣାସ୍ଥଳରେ ସାଇଣ୍ଟିଫିକ୍ ଟିମ୍ ଓ ପୋଲିସ୍ ପହଞ୍ଚି ତନାଘନା ତଦନ୍ତ ଜାରି ରଖିଛି ।
ସୂଚନା ଅନୁସାରେ, ଛାତ୍ରୀଜଣକ ରାମନାଗୁଡ଼ା ହାଇସ୍କୁଲ୍ରେ ଶିକ୍ଷା ଅର୍ଜନ କରୁଥିଲେ। କିଛି ଦିନ ହେବ ଅନଲାଇନ ଗେମ୍ ଖେଳୁଥିଲେ ଛାତ୍ରୀ। ପରିବାରର ତାଗିଦ୍ ପରେ ବି ସୁଧୁରିନଥିଲେ ସେ। ଖେଳରେ ୪ ଲକ୍ଷ ଟଙ୍କା ଜିତିବା ପରେ ମଧ୍ୟ ତାଙ୍କୁ ଟଙ୍କା ମିଳିନଥିଲା। ଛାତ୍ରୀଜଣକ ଅନ୍ ଲାଇନ ଗେମ୍ ଖେଳିବା ସଂସ୍ଥା ସହ ଖେଳୁଥିଲେ। ତାଙ୍କ ଅର୍ଥ ପଇଠ କରିବା ପାଇଁ କହିଥିଲେ ନଚେତ୍ ଆତ୍ମହତ୍ୟା କରିବା ପାଇଁ ଧମକ ଦେଇଥିଲେ। ଏହି ବିଷୟକୁ ନେଇ ସାଇନାଙ୍କ ଜେଜେମା ଓ ସମ୍ପର୍କୀୟ ତାଙ୍କୁ ତାଗିଦ କରିଥିଲେ। ଅର୍ଥ ନପାଇ ରହୁଥିବା ଘର ଶୈାଚାଳୟରେ ବେକରେ ଚୁନି ଦେଇ ଆତ୍ମହତ୍ୟା କରିଥିଲେ ସାଇନା। ସେ ଆତ୍ମହତ୍ୟା କରିଥିବା ଜାଣି ତାଙ୍କ ସମ୍ପର୍କୀୟ ପିଉସୀ ରାମନାଗୁଡ଼ା ଥାନାରେ ଅଭିଯୋଗ କରିଥିଲେ।
