ଭାରତୀୟ ରିଜର୍ଭ ବ୍ୟାଙ୍କ (RBI) ଗତକାଲି ଅର୍ଥାତ୍ ସୋମବାର ଦିନ ବ୍ୟାଙ୍କଗୁଡ଼ିକୁ ୧୦ ବର୍ଷରୁ ଅଧିକ ବୟସର ନାବାଳକ ପିଲାମାନଙ୍କୁ ସ୍ୱାଧୀନ ଭାବରେ ସେଭିଂ/FD ଡିପୋଜିଟ୍ ଆକାଉଣ୍ଟ ଖୋଲିବା ଏବଂ ଅପରେଟ୍ କରିବାକୁ ଅନୁମତି ଦେଇଛି । ଏହି ସ୍ଥିତିରେ କେନ୍ଦ୍ରୀୟ ବ୍ୟାଙ୍କ ନାବାଳକଙ୍କ ଜମା ଆକାଉଣ୍ଟ ଖୋଲିବା ଏବଂ ଅପରେଟ୍ କରିବା ପାଇଁ ରିଭାଇଜ୍ଡ ଗାଇଡଲାଇନ୍ସ ଜାରି କରିଛି । ତେବେ ଆସନ୍ତୁ ଆପଣଙ୍କୁ ଜଣାଇବା ଯେ RBI କଣ କହିଛି ।
ଯଦି କୌଣସି ପିଲାର ବୟସ ୧୦ ବର୍ଷ କିମ୍ବା ତା’ଠାରୁ ଅଧିକ, ତେବେ ସେ ଏବେ କେବଳ ନିଜର ବ୍ୟାଙ୍କ ଆକାଉଣ୍ଟ ଖୋଲିପାରିବ ନାହିଁ ବରଂ ଏହାକୁ ନିଜ ଉପାୟରେ ମଧ୍ୟ ଅପରେଟ୍ କରିପାରିବ । ଦେଶର ସେଣ୍ଟ୍ରାଲ୍ ବ୍ୟାଙ୍କ, ରିଜର୍ଭ ବ୍ୟାଙ୍କ୍ ଅଫ୍ ଇଣ୍ଡିଆ, ନିୟମରେ ଏକ ଗୁରୁତ୍ୱପୂର୍ଣ୍ଣ ପରିବର୍ତ୍ତନ କରିଛି । RBI ସମସ୍ତ ବ୍ୟାଙ୍କକୁ ଜୁଲାଇ ୧ରୁ ଏହି ନିୟମ ଲାଗୁ କରିବାକୁ କହିଛି । ଏପର୍ଯ୍ୟନ୍ତ ୧୮ ବର୍ଷରୁ କମ୍ ବୟସର ପିଲାମାନଙ୍କ ବ୍ୟାଙ୍କ ଆକାଉଣ୍ଟ ଖୋଲାଯାଇପାରୁଥିଲା, କିନ୍ତୁ ଏହାକୁ ସମ୍ପୂର୍ଣ୍ଣ ଅପରେଟ୍ କରିବାର ଦାୟିତ୍ୱ ପିତାମାତା କିମ୍ବା ଅଭିଭାବକଙ୍କର ଥିଲା । କିନ୍ତୁ ଏବେ RBI ଏହି ନିୟମରେ ପରିବର୍ତ୍ତନ କରିଛି । ତେବେ ଆସନ୍ତୁ ଆମେ ଆପଣଙ୍କୁ ଏହି ସମଗ୍ର ମାମଲାରେ RBI କି ପ୍ରକାରର ପରିବର୍ତ୍ତନ ଆଣିଛି ତାହା ମଧ୍ୟ ଜଣାଇବୁ ।
କମର୍ସିଆଲ୍ ବ୍ୟାଙ୍କ ଏବଂ ସହକାରୀ ବ୍ୟାଙ୍କଗୁଡିକୁ ଜାରି କରାଯାଇଥିବା ଏକ ସର୍କୁଲାରରେ RBI କହିଛି ଯେ ଯେକୌଣସି ବୟସର ନାବାଳକମାନଙ୍କୁ ସେମାନଙ୍କର ନେଚୁରାଲ୍ କିମ୍ବା ଲିଗାଲ୍ ଗାର୍ଡିଆନଙ୍କ ମାଧ୍ୟମରେ ସେଭିଙ୍ଗ ଏବଂ FD ଆକାଉଣ୍ଟ ଖୋଲିବା ଏବଂ ଅପରେଟ୍ କରିବାକୁ ଅନୁମତି ଦିଆଯାଇପାରିବ । ଏଥି ସହ ସେମାନଙ୍କୁ ସେମାନଙ୍କ ମାଆଙ୍କୁ ପ୍ୟାରେଣ୍ଟସ୍ ଭାବରେ ରଖି ଏପରି ଆକାଉଣ୍ଟ ଖୋଲିବାକୁ ଅନୁମତି ଦିଆଯାଇପାରେ ।
ସର୍କୁଲାରରେ କୁହାଯାଇଛି ଯେ ଦଶ ବର୍ଷ ଏବଂ ତା’ ଠାରୁ ଅଧିକ ବୟସର ଥିବା ନାବାଳକମାନଙ୍କୁ ସେମାନଙ୍କ ଇଚ୍ଛାନୁସାରେ ସ୍ୱାଧୀନ ଭାବରେ ସଞ୍ଚୟ/FD ଆକାଉଣ୍ଟ ଖୋଲିବା ଏବଂ ଅପରେଟ୍ କରିବାକୁ ଅନୁମତି ଦିଆଯାଇପାରିବ । ଏଥିରେ ବ୍ୟାଙ୍କ ନିଜର ରିସ୍କ ଜର୍ଜମେଣ୍ଟ ପଲିସିକୁ ଧ୍ୟାନରେ ରଖି ଆମାଉଣ୍ଟ ଏବଂ ଟର୍ମସ୍ ସ୍ଥିର କରିପାରିବେ । ଏହି ସମ୍ପର୍କରେ ଯେକୌଣସି ନିୟମ ଏବଂ ଟର୍ମସ ନିଷ୍ପତ୍ତି ନିଆଯାଉ, ସେହି ବିଷୟରେ ଆକାଉଣ୍ଟ ହୋଲ୍ଡରଙ୍କୁ ସୂଚନା ଦିଆଯିବ । ଏହା ବ୍ୟତୀତ ବୟସ୍କ ହେଲା ପରେ ଆକାଉଣ୍ଟ ହୋଲ୍ଡରଙ୍କ ନୂତନ କାର୍ଯ୍ୟ ନିର୍ଦ୍ଦେଶାବଳୀ ନମୁନା ଦସ୍ତଖତ୍ ପ୍ରାପ୍ତ କରି ରେକର୍ଡରେ ରଖିବାକୁ ହେବ ।