ଆପଣମାନେ ରୋଷେଇ ଘରେ ମେଥିକୁ ଔଷଧ ବୋଲି କୁହାଯାଇଥାଏ । ମେଥିକୁ ଆୟୁର୍ବେଦିକ ଔଷଧ ଭାବେ ବ୍ୟବହାର କରାଯାଇଥାଏ । ମେଥି ପାଟିକୁ ପିତା ଲାଗିପାରେ ସତ କିନ୍ତୁ ଦେହ ପାଇଁ ଉପଯୋଗୀ । ଯାହା ସ୍ୱାସ୍ଥ୍ୟ ଉପରେ ଭଲ ପ୍ରଭାବ ପକାଇଥାଏ । ମେଥିକୁ ଲୋକେ ଅନେକ ଉପାୟରେ ବ୍ୟବହାର କରିଥାନ୍ତି । ମେଥି ଶାଗ ଖାଆନ୍ତି ତ ଆଉ ପୁଣି କେହି ପକୁଡି ବନାଇ ଖାଇଥାନ୍ତି । ଏହା ଛଡା ମେଥି ଦାନାକୁ ଭଲ ଚୁଟି ପାଇଁ ବ୍ୟବହାର କରିଥାନ୍ତି ।
ମେଥି ଅନେକ ସମସ୍ୟାରୁ ରକ୍ଷା କରିଥାଏ । ମେଥି ପାଣି ଆମ ଶରୀରରେ କେଉଁ ପ୍ରକାର ପ୍ରଭାବ ପକାଉଛି ତେବେ ଆସନ୍ତୁ ଜାଣିବା ।ଏଥିରେ ଅନେକ ଫୋଷକ ତତ୍ଵ ଭରୁପୁର ମାତ୍ରାରେ ରହିଥାଏ ।
ମେଥି ପାଣିର ଫାଇଦା
ମଣିଷ ଶରୀରକୁ ବିଭିନ୍ନ ପ୍ରକାରର ଭିଟାମିନ୍ ଏବଂ ମିନେରାଲସ ଆବଶ୍ୟକ । ଯାହା ଖାଦ୍ୟ ମାଧ୍ୟମରେ ଶରୀରକୁ ମିଳିଥାଏ । ତେବେ ପୋଷକର ମାଧ୍ୟମ ହେଉଛି ଫଳ, ପନିବରିବା, ଅଣ୍ଡା ଓ ମାଂସ । ଏ ସବୁରୁ ପ୍ରଚୁର ପୋଷକ ତତ୍ତ୍ୱ ମିଳିଥାଏ । ଠିକ୍ ସେହିଭଳି ମେଥି । କିନ୍ତୁ ଏହା ଔଷଧ ଭଳି ମଧ୍ୟ କାମ କରେ ।ମେଥି ଦାନାରେ ଫାଇବର, ଭିଟାମିନ୍ ଏ ଏବଂ ଭିଟାମିନ୍ ଡି ଭରପୂର ରହିଥାଏ । ମେଥିରେ ପର୍ଯ୍ୟାପ୍ତ ପରିମାଣର ଫାଇବର ରହିଥାଏ । ବ୍ଲଡପ୍ରେସର ଏବଂ ଡାଇବେଟିସ୍ ରୋଗୀଙ୍କଠାରେ ଜବରଦସ୍ତ ଫାଇଦା ଦେଖିବାକୁ ମିଳିଥାଏ ।
ଗ୍ଲୁକୋଜର ମାତ୍ରା
ସୁଗାରକୁ ନିୟନ୍ତ୍ରଣ କରି ରଖେ ମେଥି ପାଣି । ମେଥି ପାଣି ପିଇବା ଦ୍ଵାରା ଗ୍ଲୁକୋଜର ମାତ୍ରାକୁ କମ୍ କରି ଡାଇବେଟିସକୁ କଣ୍ଟ୍ରୋଲ ରଖେ । ଏହା ସହିତ ମେଥିରେ ଫାଇବର ଗୁଣ ଥିବାରୁ ଶରୀରରେ ଚିନିର ମାତ୍ରାକୁ ଠିକ୍ ରଖିଥାଏ ।
ଇନସୁଲିନ ମାତ୍ରା
ମେଥି ପାଣି ପିଇବା ଦ୍ଵାରା ଇନସୁଲିନ ମାତ୍ରାକୁ ବଢାଇଥାଏ । ଯାହାଫଳରେ ଡାଇବେଟିସ ନିୟନ୍ତ୍ରଣ ହୋଇ ରହିଥାଏ । ପ୍ରତିଦିନ ସକାଳୁ ଖାଲି ପେଟରେ ମେଥି ପାଣି ପିଇବାକୁ ବିଶେଷଜ୍ଞନମାନେ ପରାମର୍ଶ ଦେଉଛନ୍ତି । କାରଣ ଦିନସାରା ଶରୀରରେ ଥିବା ସୁଗାର ଲେବଲକୁ ନିୟନ୍ତ୍ରଣ କରିରଖିଥାଏ ।
କୋଲେଷ୍ଟ୍ରୋଲରେ ନିୟନ୍ତ୍ରଣ
ନିୟମିତ ଏହି ମେଥି ପାଣିକୁ ପିଅନ୍ତି ତେବେ କୋଲେଷ୍ଟ୍ରୋଲକୁ ନିୟନ୍ତ୍ରଣ ରଖେ । ଏଥି ସମେତ ହାର୍ଟ ରୋଗୀଙ୍କୁ ପାଇଁ ମଧ୍ୟ ଲାଭପ୍ରଦ ହୋଇଥାଏ । ଆହୁରି ମଧ୍ୟ ଫାଇଦା ଦେଇଥାଏ । ଓଜନକୁ ନେଇ ସମସ୍ୟା ଥିବା ଲୋକ ପ୍ରତିଦିନ ମେଥି ପାଣି ପିଇଲେ ଓଜନ ମଧ୍ୟ ହ୍ରାସ କରିଥାଏ । ଓଜନ ହ୍ରାସ ପାଇଁ ଖୁବ୍ ଲାଭଦାୟକ । ଅତ୍ୟଧିକ ଭୋକ କମାଇ ସଜନକୁ ହ୍ରାସ କରିବାରେ ସାହାଯ୍ୟ କରିଥାଏ ।
ଡାଇବେଟିସ ରୋଗୀ ପାଇଁ କିପରି ପ୍ରସ୍ତୁତ କରିବେ ମେଥି ପାଣି
ପ୍ରଥମେ ମେଥି ଦାନାକୁ ରାତି ସାରା ପାଣିରେ ଭିଜାଇ ରଖନ୍ତୁ । ଏହା ପରେ ତା’ପରଦିନ ସେହି ପାଣିକୁ ଛାଣି ପିଅନ୍ତୁ । ଏହା ବ୍ୟତୀତ ମେଥି ଚା ମଧ୍ୟ କରି ପିଇପାରିବେ । ଯାହା ଡାଇବେଟିସ ରୋଗୀଙ୍କୁ ଜବରଦସ୍ତ ଫାଇଦା ଦେଇଥାଏ ।
